Ganz tüüf, im dunkle Tannewald me cha de Wäg chum finde, det wohnt de Chlaus, wo alli Johr i d‘Stadt chunnt zu de Chinde. . . .

Er isch efangs en alte Maa met chridewisse Hoore Er isch efangs en alte Maa met chridewisse Hoore... Wie chan er ächt au allewil, was d’ Chinde tüend, erfahre? . . .

Schutzängel händ jo alli Chind, das werded ehr jo wüsse, die gsänd, wänns znacht am Bettli schtönd is Herze ond is Gwösse. . . .

Drum wösseds au vo jedem Chind die guete ond die böse Tate ond tüends em Samichlaus am Morge früe im Wald verrote. . . . 

De nimmt vom Gschtell e grosses Buech, suecht d’ Näme im Regischter ond schribt, was d’ Ängel brechtet uf. Er isch exakt, das ischt er. . . .

Was stoht ächt au vo mer det drin? Ich ha ned s’ beschti Gwösse. Doch wird er sicher au mängs Guets vo mer no wüsse. . . .

Höt chunnt de Chlaus id’ Stadt. Er treit en Sack, en schwere. S’ het Öpfel, Nuss ond Guetzli drin. Wo tuet er en ächt usläre?

Chlauseinzug 2013 Samstag, 7. Dezember 2013 auf dem Zentrumsplatz ab 12.00 Uhr: Chlausmarkt um 16.00 Uhr: Einzug der Samichläuse mit Schmutzli und Eseln