En lange Wäg hät üs verbunde. Sit i mag denke, hät‘s dich geh. Viel z‘schnell isch dini Chraft verschwunde. I het di gern au nomal gseh.
Bin wiet ewägg gsi i de Ferni. Het nie dänkt, dass es so schnell gaht, dass dini Chraft und dini Wärmi und dich din Schnuf eifach verlaht.
Du häsch es gpürt, dass s’nümme langet. Häsch dini Liebä grüesse lah. Und denn häsch tschau gseit und bisch gange. Jetz sind nur no Gedanke da.
Du häsch mir viel geh i mim Läbe, di ersti Fahrstund, mänge Rat. Het gern meh zrugg geh, aber äbe: Han g’wartet und jetz isch es z’spat.
Du häsch es gpürt, dass s’nümme langet. Häsch dini Liebä grüesse lah. Und denn häsch tschau gseit und bisch gange. Jetz sind nur no Gedanke da.
Us de Melodie vom Refrain isch das Lied entstande. Diä Bänd hät im Danny Mann Pub in Killarney gspielt. Ein Song hät mer bsunders gfalle. Us de Melodie vom Refrain isch das Lied entstande.
Viel z’früeh hät dich dis Schicksal troffe, doch nüt hät dir dis Lache gno. Du häsch gern g‘läbt, häsch nöd ghört hoffe. Uf z’Mal am Schluss häsch es gseh cho.
Du häsch es gpürt, dass s’nümme langet. Häsch dini Liebä grüesse lah. Und denn häsch tschau gseit und bisch gange. Jetz sind nur no Gedanke da.
Das Lied widme ich siner Frau und sine Chind. Am 13. Juli 2017 isch min Brüeder a de Folge vo sinere Lungechranket COPD g’storbe. Das Lied widme ich siner Frau und sine Chind. Oktober 2017 fiddler-on-the-loop.ch